Umhlangano wabesifazane oqale ngoMvulo uphele ngolweSine eHarare. Abangene umhlangano lo baphume lenkuthazo kunkokheli kahulumende womanyano ukuthi iqakathekise inkululeko ekwethulweni kwezindaba.
Abesifazane laba bevumelene ukuthi imihlangano enje iqakathekile kakhulu ekuthuthukiseni impilo zabo.Umhlangano lo ubuthanise abe nhlanganiso ezimela amalungelo abesifazane abavele emazweni agoqela i Kenya, Nigeria lamanye.
Omunye wabahloniphekayo obekhona nguNkosikazi Mary Robinson owake waba yinhloko kahulumende yakwele Ireland. Umhlangano lo uphathe indaba ezigoqela inthuthuko yabesifazane ukuze babe lezikhundla zobukhokheli, indaba zokuxolelana, ukuthi abesifazane bengaphatheka njani ekulotshweni kwesisekelo sombuso esitsha lezinye eziqakathekileyo.
UBrenda Moyo weStudio 7 uxhume uNkosikazi Anastacia Chikuni oyisiphathamandla kuhlangothi lwabesifazane kucele leMDC elikhokhelwa nguMnumzana Arthur Mutambara,laye ongene umhlangano lo, ochasisela uBrenda Moyo weStudio7 abakufundileyo.
