uthe kuyamangalisa ukuthi uMnu. Tsvangirai wavumelana lezinye iziphathamandla zikahulumende ukuthi uhlelo lolu lube semthethweni kodwa uselusola manje
Umphathintambo wogatsha olubona ngenhlelo zabatsha lokuthuthukiswa kwabansundu uMnu. Saviour Kasukuwere usole uMnu. Morgan Tsvangirai ngokweyisa uhlelo lwe Indigenization, esithi luqakathekile ngoba lulungisa imbali yokuhuquluzwa kwenotho ngabamhlophe eZimbabwe.
UMnu. Kasukuwere, obekhuluma emhlanganweni awuqhube lentathelizindaba ngoLwesibili eHarare, uthe kuyamangalisa ukuthi uTsvangirai wavumelana lezinye iziphathamandla zikahulumende ukuthi uhlelo lolu lube semthethweni, kodwa abeselusola nxa esekhuluma labasekeli bakhe.
Ukuze sihlaziye loludaba kanye lokunye okuhlafunwe kulumhlangano, uSithandekile Mhlanga oweStudio 7 uxoxe loMnu. Walter Nsununguli Mbongolwane, ingcwethi ecubungula ezombusazwe.