UNkosikazi Theresa Makone Uthi Intathelizindaba yizo ezingcolisa igama lamapholisa
Omunye wabaphathintambo bezokwenzakala elizweni, uNkosikazi Theresa Makone uncome amapholisa eZimbabwe esithi asebenza okuqotho. UMakone, ongowebandla leMDC elikhokhelwa nguMnu. Morgan Tsvangirai ubesethula amazwi emkhosini wokuhlonipha lokupha imendulo zokuqhuba umsebenzi oqotho amapholisa angamatshumi amahlanu akwele DRC.
UMakone utshele lumkhosi ukuthi intathelizindaba yizo ezingcolisa igama lamapholisa wona athi alobuntu. Kodwa ingcwethi ecubungula ezombusazwe, uMnu. Effie Dlela Ncube utshele iStudio 7 ukuthi amazwi kaMakone ayamangalisa ngoba ibandla lakhe lihlala lingelifuna ukuthi kuguqulwe indlela amapholisa asebenza ngayo phansi kwesivumelwano se Global Political agreement.