Ikhomidi ebona ngokulotshwa kwesisekelo sombuso esitsha, iCOPAC, iqale njalo umsebenzi ngoLwesihlanu ngemva kokuma okwamalanga amabili kulandela ukungezwani kwamalunga.
Amalunga ali khomidi akubandla leZanu PF abefuna ukuthi kubalwe ukuthi imbono eyakhulunywa ngabantu abanengi ibe yiyo esetshenziswayo kodwa amacele eMDC amabili wona abefuna ukuthi kukhangelwe uhlonzi lwembono kungakhathalekile ukuthi ikhulunywe ngabantu abanengi okunganani ngoba besithi kwaba lokwethuselwa kwabantu emadolobheni.
NgolweSine inkokheli yalikhomidi ihlangene kwavunyelwana ukuthi kuzasetshenziswa indlelo zombili ukuloba lesi sekelo. Sixoxe lomunye wabasekeli babagcinisihlalo beCOPAC, uNkosikazi Gladys Dube Gombami ukuze sizwe okunengi ngaloludaba.