Idale le Supreme Court selilahle isicelo sikamphathintambo wezemali, uMnu. Tendai Biti, sokubamba ngamandla umthethwandaba we High Court ukuthi unanze ukuthi ubotshwe okungekho emthethweni ngomnyaka ka 2008. UBiti ubotshwe ngemva kokwethula impumelo yokhetho ebi khomba ukungqoba kwebandla lakhe eleMDC lokuloba ugwalo lwemizamo yebandla lakhe yokufuna ukugenqula uhulumende weZanu PF.
UBiti wavalelwa okwamalanga edlula ayisikhombisa engaziwa lokuthi uvalelwe ngaphi. Wayesetheswa icala lokuhlamukela uhulumende, iTreason, esasilakho ukumtholisa isigwebo sokulengiswa. Lanxa lelicala lalahlwa, uBiti uthi ufuna umthethwandaba utshengise ukuthi wabotshwa okungekho emthethweni. Igqwetha likaBiti, uMnu. Lewis Uriri uthi iSupreme Court ithi isizatho sokulahlwa kwalelicala yikuthi amaphepha okukhalaza aphuza ukufika.
Kodwa u Uriri uthi bazakhalaza ngesinqumo. Ingcwethi kwezemithetho, uMnu. Job Sibanda uthi isicelo sika Biti silakho ukuthatha iminyaka elitshumi singakangeni njalo emthethwandaba we Supreme Court.