Linhlanganiso ithi isikhuthaze umanyano we United Nations ukuthi ubumbe idale elizathonisa uMugabe labanye bakhe
Inhlanganiso ekhuthaza ngokuthonsiwa kwamacala okubululala isizwe, iGenocide Watch, ithi isenelise ukuthi abaphatheka kusehlakalo seGukurahundi bamiswe phambi komthethwandaba.
Linhlanganiso, elamahofisi kweleMelika lase South Africa, ithi isicele umanyano wamazwe womhlaba, i United Nations ukuthi ibumbe umthethwandaba ozagoqela izizalwane zeZimbabwe uthonise uMongameli Mugabe labanye bakhe.
Umkhokheli we Genocide Watch, uMnu. Gregory Stanton uthi njengoba icala lingaboli sesifikile isikhathi sokuthi abenza isihluku segukurahundi bathoniswe. UChris Gande weStudio 7 uxoxe lengcwethi ecubungula ezombusazwe, uMnu. Bekithemba Mhlanga othi inyathelo le Genocide Watch lizemukelwa ngabanengi.