Uhulumende weMelika sesole ibandla leZanu PF ngokuqhubeka lisebenzisa amapholisa ukubopha labo abaphikisana lalo, ikakhulu abenhlanganiso ezizimeleyo labebandla leMDC.
Embikweni ewethule ngoLwesithathu inhlanganiso yeInternational Crisis Group layo isole kakhulu uMongameli Mugabe ngokuqhubeka esebenzisa amabutho lamapholisa kwezombusazwe.
Inhlanganiso le ithi umkhuba lo kumele uphele, uMugabe ahloniphe isivumelwano seGlobal Political Agreement.
Yengeze yathi iSadc kumele isebenze gadalala kulungisiswe umhlahlandlela wokhetho olukhululekileyo olungela dlakela.
Obona ngokuqhutshwa kwenhlelo kucele leMDC elikhokhelwa nguMnu Welshman Ncube, uMnu Qhubani Moyo uthe ibandla lakhe lifuna abezomvikela bekele ukungenela kwezombusazwe.