Umkhokheli wogatsha lwabatsha kubandla le African National Congress-ANCYLG kwele South Africa, uMnu. Julius Malema ufikile ngolweSihlanu elizweni ezokwethekelela intsha ye ZANU PF, kanye lenkokheli yalelibandla, ukuzofundisisa ngenhlelo zokuthuthukisa abensundu.
UMalema, obekhatshwe yinkokheli yogatsha lwakhe, ubikwa emukelwe ngokuthokoza okukhulu ngamalunga e ZANU PF eHarare, njalo ukhangelelwe ukusuka elizweni ekuqaleni kweviki ezayo. UMalema ukhangelelwe ukukhuluma emhlanganweni ethile, njalo usenxuswe yinhlanganiso ye Affirmative Action Group emhlanganweni.
USithandekile Mhlanga oweStudio 7 uxoxe Mnu. Meli Dube, umqoqi wenhlelo enhlanganisweni elwela amalungelo abatsha, eye National Youth Development Trust ukuze aphe imbono yakhe ngaloludaba.