UMnu. Abel Muzorewa, owaba yinhloko kahulumende okwesikhatshana ilizwe selizathola uzibuse ngo1979 kasekho. UMuzorewa, obeseleminyaka engamatshumi eyisitshiya ngalombili lanhlanu, ubhubhele emzini wakhe eHarare ngolweSine, ngemva kokuyakwelatshwa kwele Melika, lapho umnewabo abhubhele khona kumaviki ambalwa edluleyo.
Umuyi, owakhokhela ibandla le United African National Council, ebikwa yayiphikisana lempi yenkululeko, wake wazama ukuphindela kwezombusazwe ngokuncintisa eGlenview kukhetho lukudinga amalunga edale lephalamende.
UMnu. George Mkhwananzi, ingcwethi ecubungula ezombusazwe, utshele uSithandekile Mhlanga we Studio 7 ukuthi uMnu. Muzorewa wayengabusa ngcono kulomongameli Robert Mugabe, okubi yikuthi wayesetshenziswa ngabelungu.