WASHINGTON —
Izisebenzi ezilitshumi lantathu sezikhalale umsebenzi esigodlweni seZimbabwe kwele Mozambique zisithi sezilenyanga ezintathu zingatholi iholo.
Ezinye izisebenzi ezikhalale umsebenzi esigodlweni seZimbabwe kwele Mozambique.
Izisebenzi lezi eziyizizalwane zeMozambique, ezikhalale umsebenzi izolo, zithi uhulumende weZimbabwe uthembise ukuthi zizathola iholo ngoLwesihlanu. Zithi azikukholwa lokhu ngoba uhulumende hatsho lokuthi yindaba zingatholi iholo okwamanje.
Umsakazo weVOA Portuguese Service, ubika ukuthi izisebenzi lezi kazitholi njalo uncedo lwezempilakahle olwe medical aid okumele bekuthole nxa besebenzela isigodlo seZimbabwe.
Kasenelisanga ukukhuluma ngodaba lolu leziphathamandla zikahulumende weZimbabwe.