amalinks wokungena

Breaking News

Ukufa KukaMugabe Kulakho Ukubangela Ukungahlaliseki Elizweni - ANC


Ibandla elibusayo kweleSouth Africa eleAfrican National Congress selixwayise ukuthi uMongameli Robert Mugabe engafa kumbe atshiye isikhundla sakhe, ukulotshwa kutsha kwesisekelo sombuso kungakapheli, kungaphazamisa izinto ezinengi kudale ukulwisana kwamalunga eZanu PF esebanga isikhundla sokukhokhela leli bandla.

IANC ikhokhelwa nguMongameli Jacob Zuma, ongumlamulankunzu kudaba lweZimbabwe emele amazwe akumanyano weSadc.

Embikweni eliwethule ngoLwesibili, ibandla leANC lithi abakhokhela inkulumo zokuxazulula okuhluphayo kuhulumende bemele uZuma, sebeveze ukuba kulokwesabela kakhulu ukuthi ukusuka kukaMugabe embusweni kungabangela lokhetho lungenziwa okwesikhathi eside.

Lelibandla lithi njalo likhathazeke ngempilakahle kaMugabe, yena obikwa engaphilanga.

Udaba lokutshiya isikhundla kukaMugabe lokuthi ngubani ozasithatha lizilo elingalokothwayo kuZanu PF.

Isikhulumeli seZanu PF uMnu Rugare Gumbo uthi ibandla lakhe alilandaba lokuthi kuyini okulakho ukwenzakala nxa uMugabe engasuka esikhundleni. UGumbo uthi umfula bazawuchapha sebefike kuwo.

Ukuhlaziya loludaba sixhume ingcwethi ecubungula ezombusazwe uMnu Briliant Mhlanga yena othi ukufa kumbe ukutshiya kukaMugabe isikhundla kuzaphazamisa okunengi elizweni, ikakhulu, uthi kuzakuba lokulwisana kuZanu PF.

‚Äč
XS
SM
MD
LG