amalinks wokungena

Breaking News

Udaba Lokuguqulwa Kokusebenza Kwabebutho Solusezandleni ZikaZuma


Inkulumo zokucanda indlela yokhetho kanye lokulungisisa okuhluphayo phakathi kweZanu PF leMDC eziqale eCape Town, kweleSouth Africa ngoLwesine zigqitshwe ngoLwesihlanu.

UMongameli Jacob Zuma sekhangelelwe ukuya eHarare kunsukwana ezizayo ukuyakhulumisana labakhokhela amabandla akuhulumende womanyano ngodaba lokuthi abomvikela bangaze baphatheka kwezombusazwe lokuthi ikomishini ekhangelane lokuqhutshwa kokhetho iZimbabwe Electoral Commission ibunjwe kakutsha.

Abakunkulumo lezi bazahlangana ngeviki ezayo bekhulumisana ngokuthi ukhetho kumele lwenziwe ngawuphi umnyaka. Konke lokhu kumele bakuvumelane ngaphambilini komhlangano weSadc ozahlaziya udaba lweZimbabwe eNamibia mhlaka 20 kuyonale inyanga.

AbeZanu PF labeMDC laba banikeze iqula likaZuma ekade behlangana lalo eCape Town ugwalo lomhlahlandlela wokhetho iRoadmap, abayilobe kumaviki asanda kwedlula. Udaba oluhluphayo ngolokudilizwa kweZEC kanye lokubanjwa ngamandla kwamapholisa labebutho ukuba bengasekeli hlangothi kwezombusazwe.

Omela iMDC ekhokhelwa nguMnu Morgan Tsvangirai kulezinkulumo uMnu Elton Mangoma utshele iStudio 7 ukuthi uMongameli Zuma nguye ozazokholomisana labakhokheli bamandla akuhulumende ngokuhluphayo lokhu.

Umeli weGwanda North edale lephalamende njalo elilunga leMDC ekhokhelwa nguMnu Welshman Ncube, uMnu Thandeko Zinti Mnkandla uthi udaba lwabomvikela labeZEC kumele lulungisiswe ukuze ukhetho luqhutshwe ngendlela esuthisayo.

Okuhambelana lalokhu

‚Äč
XS
SM
MD
LG