amalinks wokungena

Breaking News

UMugabe Uthi Kasafuni Kukhulumisana Lequla LikaZuma


UMongameli Robert Mugabe uthi ibandla lakhe leZanu PF alisoze libe lisakhulumisana lequla likaMongameli Jacob Zuma weSouth Africa ngodaba lweZimbabwe, esithi lifuna ukukhulumisana loZuma mathupha.

UMugabe wethule amazwi la ekhuluma lentathelizindaba ngoLwesine evela emhlangani weSadc eAngola wona ohluze udaba lweZimbabwe wavumelana njalo ukuba iSadc kumele ithumele iqula eHarare lokuyasebenzelana lequla lika Zuma logatsha lweJomic.

IZanu PF ithi ayilifuni leliqula ngoba ukusebenza kwalo leJomic kusitsho ukungenela kwamanye amazwe kundaba zeZimbabwe. UMongameli Mugabe ubikwa eveze lumbono kunkokheli yeSadc kodwa wehluleka ukuyivimba ukuthumela leliqula.

UZuma yena uthe sesifikile isikhathi sokuba lulungisiswe udaba lweZimbabwe ukuze kuyiwe kukhetho konke okuhluphayo sokuphelile. Isikhulumeli seZanu PF uMnu Rugare Gumbo uthe abalifuni iqula leSadc leli.

Kodwa omela iMDC ekhokhelwa nguMnu Welshman Ncube kunkulumo, uMnu Moses Mzila Ndlovu utshele iStudio 7 ukuba nxa uMugabe efuna uZuma abe nguye mathupha ophatha udaba lweZimbabwe labakhokheli bamabandla, kumele avume ukuba uNcube laye angene kumihlangano le.

XS
SM
MD
LG