Ihofisi yegqwetha elikhulu likahulumende eye Attorney General ithi isilungisile amaphepha okusa umanyano weEuropean Union emthethwandaba inyanga ingakapheli ngokwethesa eleZimbabwe izijeziso.
Igqwetha elikhulu lelizwe uMnu. Johannes Tomana ubikwa esithi umanyano we EU uzakuba yiwo umamangalelwa njalo izijeziso lezi azikho emthethweni ngoba umanyano we United Nations ungazivumelanga.
Igqwetha uMnu. Job Sibanda utshele uSithandekile Mhlanga we Studio 7 ukuthi eleZimbabwe lilelungelo lokusa i EU emthethwandaba, lanxa ithuba lokunqoba kuloludaba lilincane kakhulu.