amalinks wokungena

Breaking News

Kuqhamuka Ukufuthelana Phakathi KukaZuma LoMugabe


Sokuqhamuke ukufuthelana phakathi kweleSouth Africa leleZimbabwe kulandela ukusolwa kukaMongameli Jacob Zuma nguMongameli robert Mugabe esithi kaqhubi kuhle umsebenzi wokuzama ukuqeda ingxabano ekhona phakathi kweZanu PF leMDC.

UMugabe usole iSadc ngokuphuma lesinqumo ngeviki ephelileyo esokuthi kumele aqede udlakela olukhona elizweni.

Usole njalo uZuma, yena ongumlamulankunzi eZimbabwe esithi akumelanga atshele iZimbabwe okokwenza.

Iphephandaba leSunday Mail lalo lisole uZuma lisithi ungumlamulankunzi ongethembekanga.

Iphephandaba leli, eliveza esikhathini esinengi umcabango weZanu PF lithe njalo uZuma kalalo ilungelo lokuhlela umhlahlandlela wokhetho eZimbabwe.

Umcebisi kaZuma, uNkosazana Lindiwe Zulu uthe uZuma uzaqhubeka ngomlandu awuphiwa yiSadc eZimbabwe engagqize qhakala ngamazwi kaMugabe.

XS
SM
MD
LG