amalinks wokungena

Breaking News

ZEC: Abafundi Asebefikise Iminyaka Yokuzalwa Engu-18 Kumele Babhalisele Ukuvota Ngobunengi


Zimbabwe Electoral Commission

WASHINGTON DC - Ikhomishini yezokhetho, iZimbabwe Electoral Commission (ZEC), isikhuthaze abafundi asebefikise iminyaka yokuzalwa elitshumi lasitshiyangalombili, 18, kusiya phezulu ukuthi babhalisela ukuvota ngobunengi phansi kohlelo lweMobile Voter Registration olusaqhubekayo.

Kumbiko ewethule enkundleni yeTwitter, likhomishini ithe ibhalise abafundi abanengi ezikolo ezitshiyeneyo ngoLwesithathu.

IZEC ikhuthaze njalo uzulu makhaza ukuthi laye abhalise ngobunengi ukuze enelise ukuvota kukhetho lomnyaka ozayo.

Linkuthazo iza ngesikhathi bebikwa belokhe bebalutshwana ababhalisayo endaweni ezinengi zelizwe ezigoqela ezabelweni zeMatabeleland zombili kanye lakoBulawayo.

Owake wamela isigaba seNkayi South edale lephalamende uMnu Abednico Bhebhe utshele iStudio 7 kubalulekile ukuthi umuntu wonke abhalise kungakhathalekile ukuthi ngowaliphi ibandla.

UBhebhe wengeze wathi labo abala ukuyabhalisa ngoba besithi sokukade bevota kodwa kungelatshintsho, kufana nje lokuthi bavotela ibandla elibusayo eleZanu PF.

please wait

No media source currently available

0:00 0:02:18 0:00

Facebook Forum

XS
SM
MD
LG