amalinks wokungena

Breaking News

Kuvulwa Uphenyo Phezu Kokubulawa Kwezigebengu Ezilwisane Lamapholisa aseSouth Africa Ezigoqela ezeZimbabwe


South African Police Monitoring Operation Dudula Protest
South African Police Monitoring Operation Dudula Protest

WASHINGTON DC - Ugatsha olubona ngokusebenza kwamapholisa kweleSouth Africa olweIndependent Police Investigative Directorate (IPID) luthi luzaphenya ukuthi amapholisa alandele umthetho na ngokubulala abantu abayisitshiyangalombili, 8, abanakanelwa ukuthi yizigebengu ezigoqela izizalwane zeZimbabwe.

Lokhu kwaziswe yisikhulumeli salolugatsha uNkosikazi Grace Langa, kubike umsakazo weSABC.

Amapholisa alwisane kakubi lezigebengu lezi eRosettenville, eJohannesburg, ngoMvulo ngemva kokuzivimba ukubamba imota ethwala imali inkunzi.

Phezu kokubulala eziyisitshiyangalombili, amapholisa athi abophe ezilitshumi; ezinhlanu zazo kuyizizalwane zeZimbabwe, ezine kungezeSouth Africa ezidabuka Kwazulu Natal kuthi esisodwa yisizalwane saseBotswana.

Phakathi kwezigebengu ezibalekileyo, ezimbili ngamapholisa akweleSouth Africa kuthi esinye esibotshiweyo sake saba lisotsha lakulelolizwe, kubike umsakazo weeNCA lephephandaba leTimes Live.

Elinye lamapholisa amahlanu alimale ekulwisaneni lokhu libhubhele esibhedlela izolo.

‚Äč
XS
SM
MD
LG