amalinks wokungena

Breaking News

CCC: Ngamanga Ukuthi uWelshman Ncube Wakhalala Ukuya Emhlanganweni kaChamisa


USikhwicamfundo Welshman Ncube ukhuluma lentathelizindaba ...

WASHINGTON DC - Ibandla leCitizens Coalition for Change (CCC) selilandule imbiko ethulwe liphephandaba lebulenjini eleZim Guardian eyokuthi omunye wabasekeli bakaMnu Nelson Chamisa, uMnu Welshman Ncube, wakhalala ukuya emhlanganweni walelibandla owenzelwe eHarare ngeSonto.

Leliphephandaba libike ukuba uNcube watshela intathelizindaba zalo ukuthi wacunulwa yikuthi katshelwanga kusalesikhathi ngalumhlangano.

Kodwa abazi ngokwenzakalayo bathi uNcube ubengezwa kuhle emzimbeni.

Isikhulumeli salelibandla, uNkosazana Fadzayi Mahere, wethule umbiko enkundleni yeTwitter esithi abantu bengalaleli amanga ngoba uNcube eyinkokheli eqotho njalo ebambisana labanye bakhe kumsebenzi webandla.

Sikhuluma nje, lelibandla liqoqa umhlangano omkhulu ozakwenzelwa eGokwe ngoMgqibelo.

Isikhulumeli salelibandla koBulawayo uMnu Swithern Chirowodza utshele iStudio 7 ukuthi abethula imbiko yamanga ngoNcube zintathelizindaba ezilenjongo embi.

please wait

No media source currently available

0:00 0:03:00 0:00

Facebook Forum

XS
SM
MD
LG