amalinks wokungena

Breaking News

Kubotshwe Abafundi beUniversity of Zimbabwe Abatshengisele Besola Ukukhuphuka Kwembadalo Yemfundo


Zimbabwe Protests

WASHINGTON DC – Kubotshwe abafundi beUniversity of Zimbabwe abalitshumi, 10, ngoLwesithathu ngemva kokutshengisela besola lelikolitshi ngokukhuphula imbadalo yemfundo ngokuphindwe kabili.

Amagqwetha enhlanganiso yeZimbabwe Lawyers for Human Rights atshele lumsakazo ukuthi abasolwa bavalelwe eHarare Central Police Station.

Abafundi laba batshengisele besola ukukhwezwa kwembadalo yemfundo isuka kunkulungwane ezingamatshumi amathathu, Z$30,000 isiya kuboZ$90,000.

Umkhokheli wenhlanganiso yeZimbabwe National Students Union (ZINASU), uMnu Benon Ncube, utshele iStudio 7 ukuthi ukubopha abafundi okwenziwa nguhulumende akusoze kuqede ukukhonona kwabafundi ngoba inhlawulo yemfundo ikhwele kakhulu.

please wait

No media source currently available

0:00 0:02:43 0:00

Isikhulumeli samapholisa uMnu Paul Nyathi uthe ubengakatshelwa lutho ngaloludaba.

Kusenjalo, owake waba nguMayor weHarare njalo oncintisa kukhetho lokudinga ukhansila kaWard 27 elilunga leCitizens Coalition for Change (CCC), uMnu Hebert Gomba, umiswe enkantolo ngoLwesithathu esetheswa amacala okwephula umthetho ophathelane lezokhetho oweElectoral Act.

Abatshutshisi batshele umthethwandaba ukuthi ngesikhathi uGomba encintisa ukuba ngukhansila kukhetho luka2018, wabhalisa ukuthi wayehlala endlini yabazali bakhe yena engahlali khona.

Bathi wabhalisa njalo abantu abavotayo abalitshumi lambili, 12, ukuthi bahlala kuleyondlu khona kungasilo qiniso.

Amagqwetha kaMnu Gomba acele inkantolo ukuthi imkhulule ngesibambiso se-bail. Umantshi uzakwethula isinqumo sakhe ngoLwesine.

Facebook Forum

XS
SM
MD
LG