amalinks wokungena

Breaking News

Yebo Engasibulala uMnangagwa, Kodwa Sithi Ilizwe Aliqunywe Phakathi, Kutsho iMthwakazi


UMnu. Mqondisi Moyo, umkhokheli webandla leMthwakazi Republic Party, uthi kabaleki eZimbabwe. (Photo: Ezra Tshisa Sibanda)
UMnu. Mqondisi Moyo, umkhokheli webandla leMthwakazi Republic Party, uthi kabaleki eZimbabwe. (Photo: Ezra Tshisa Sibanda)

WASHINGTON DC – Ibandla leMthwakazi Republic Party (MRP) lithi lizaqhubeka likhankasela ukuthi eleZimbabwe liqunywe phakathi lanxa uMongameli Emmerson Mnangagwa esithi kumele amalunga alelibandla atshiyane lalokho nxa efuna ukuphila.

Emazwini ahlasimulisa umzimba awethule izolo, uMnangagwa uthe abeMthwakazi bazidingela ukufa ngokugqugquzela ukuthi ilizwe liqunywe ukuze isigaba seMatabeleland sizibuse sililizwe elizimeleyo.

UMnangagwa uthe nxa abeMthwakazi laba befuna ukuphila, kumele bethule bathi zwi, basebenze lohulumende wakhe.

“Kulabanye abathi bengadla indumba baqunjelwe, abeMthwakazi, babesebesithi bafuna iZimbabwe iqunywe phakathi babe lelizwe labo leMthwakazi,” kutsho uMnangagwa ekhuluma emhlanganweni wokukhankasela ukhetho awenzele eChitungwiza.

“Abalalele khathesi ngikhuluma ngingakababophi. Bazakhuluma bakhulume, baguge, bafe, iZimbabwe ilokhe ililizwe elibambeneyo, akulamuntu ozalehlukanisa ilizwe leli.

“Nxa bengabantu abatshelekayo, abathule basebenze lohulumende bephile ngoba nxa bengaqhubeka besenza abakwenzayo, akulalizwe elivumela ukwehlukaniswa… Akulamuntu ozakwehlukanisa ilizwe leli, uyabe ufuna ukuqunyelwa impilo yakho,” kutsho uMnangagwa.

please wait

No media source currently available

0:00 0:01:23 0:00

Ibandla leMthwakazi liwasolile kakhulu amazwi kaMnangagwa lisithi lanxa engaze alethusele ngokufa, lizaqhubeka likhankasela ukuqunywa phakathi kwelizwe ukuzwe iMatabeleland izibuse.

Isikhulumeli salelibandla uMnu Velile Moyo utshele iStudio 7 ukuthi ayabethusa amazwi kaMnangagwa ngoba “evele engumbulali”, kodwa uthe bazaqhubeka ngomkhankaso wabo.

please wait

No media source currently available

0:00 0:04:07 0:00
XS
SM
MD
LG