amalinks wokungena

Breaking News

UBiden Usayina Umthetho Onqabela Ukubulawa Mahlayana Kwabansundu


President Joe Biden signs the Emmett Till Anti-Lynching Act in the Rose Garden of the White House, March 29, 2022, in Washington.
President Joe Biden signs the Emmett Till Anti-Lynching Act in the Rose Garden of the White House, March 29, 2022, in Washington.

WASHINGTON DC – UMongameli waseMelika uMnu Joe Biden izolo usayine umthetho ojonge ukwenqabela ukubulawa mahlayana kwabantu abamnyama, ikakhulu ngabamhlophe, oweEmmett Till Anti-Lynching Act.

Besokuleminyaka ephezu kwelikhulu, 100, iphalamende yalelilizwe izama ukupasisa umthetho onje kodwa isehluleka.

Kulemithetho efanayo engamakhulu amabili, 200, eseyalethwa ngamalunga ephalamende phambi kwalelidale kodwa kwehlula ukuthi ipasiswe.

UBiden uthe ubalulekile lumthetho ngoba abantu abamnyama besahlukuluzwa lokubulawa mahlayana eMelika, okuyinto eyaqala ngesikhathi besagqilazwe ngabelungu.

Umthetho weEmmett Till Anti-Lynching Act lo uhlonipha umfanyana onsundu uEmmet Till owabulawa ngabamhlophe eMississippi eleminyaka yokuzalwa elitshumi lane, 14, ngomnyaka ka1955 esetheswa icala lokutshayela owesifazana omhlophe ukhwelo.

Abansundu bathi ukubulawa kwabantu abafana loTrayvon Martin loGeorge Floyd ngabelungu kuveza sobala ukuthi abavikelekanga eMelika.

Oyatholakala elecala phansi komthetho lo ulakho ukwetheswa isigwebo sokupika okweminyaka engamatshumi amathathu, 30 years.

Usomabhizimusi weZimbabwe ohlala eMelika uMnu Muzobanzi Ncube utshele iStudio 7 ukuthi kuqakathekile ukuthi kube lomthetho onje ngoba amacala okuzondana ngemihlobo esanda eMelika ikakhulu awokuzondwa kwabensundu ngabamhlophe.

please wait

No media source currently available

0:00 0:04:09 0:00
XS
SM
MD
LG