amalinks wokungena

Breaking News

Ababalisi bathi Abasoze Benelise Ukuya Emsebenzini Namuhla Ngoba Abalamali


WASHINGTON DC - Izikolo zeZimbabwe ziyavulwa namuhla abanye ababalisi besithi balakho ukwehluleka ukuya emsebenzini ngoba kabalamali yokugada.

Ngakolunye uhlangothi abazali labo bakhala ngokukhwela kwama-school fees kanye lezinye indingeko zabafundi ezigoqela ama-uniform lengwalo zokubala lezokubhalela.

Inhlanganiso emela ababalisi bemaphandleni, iAmalgamated Rural Teachers Union of Zimbabwe (ARTUZ), ithi ababalisi abalamali yokuya emsebenzini ngoba uhulumende esala ukubakhuphulela iholo.

Ababalisi bathi bafuna ukuhlawulwa amakhulu amahlanu alamatshumi amane amadola aseMelika, iUS$540.00 ngenyanga.

Umkhokheli weARTUZ uMnu Obert Masarawure lomkhokheli weProgressive Teachers Union of Zimbabwe (PTUZ) uMnu Takavafira Zhou batshele iphephandaba leNewsDay ukuthi okwenza umumo wababalisi ube mubi ngamandla yikuthi uhulumende uyehluleka ukugcwalisa isithembiso sakhe sokubhadalela abantwana bababalisi ama-school fees.

Abazali abanengi labo bathi abantwababo abasoze baye esikolo namuhla ngoba kabalamali yemfundo.

Umzali oyisiphathamandla senhlanganiso yeBulawayo Progressive Residents Association uMnu Thembelani Dube utshele iStudio 7 ukuthi abantwana abanengi abasoze benelise ukuya esikolo ngenxa yokukhwela kwembadalo.

please wait

No media source currently available

0:00 0:03:04 0:00

Ugatsha olubona ngezabantwana kumanyano weUnited Nations olweUNICEF luveze ngeviki edluleyo ukuthi abantwana abayisilinganiso samatshumi phose amahlanu, 47 percent eZimbabwe abasayi esikolo ngenxa yobuyanga.

Sehlulekile ukuxhumana lesikhulumeli sogatsha lwezemfundo uMnu Taungana Ndoro ngoba ubengadobhi umakhalekhukhwini wakhe.

Facebook Forum

XS
SM
MD
LG