amalinks wokungena

Breaking News

ZEC: Akusumlandu Wethu Ukuthi Kulabantu Abangu-87 Ababhilisa kuVoters Roll eKariba Ukuthi Bahlala Endlini Inye


Zimbabwe Electoral Commission

WASHINGTON DC – IZimbabwe Electoral Commission (ZEC) ithi akusumlandu wayo ukuthi kulabantu abangamatshumi phose ayisitshiyagalolunye, 87, ababhalisa ukuthi bahlala endlini inye kuWard 8 eKariba lapho okuzaqhutshwa khona ukhetho lwamaby-elections olokudinga ukhansila walindawo ngoMgqibelo.

Kumbiko ewethule izolo, iZEC ithe uzulu kumele abekwazi ukuthi ayilamandla okwala ukubhalisa umuntu nxa ethe wayipha ikheli yalapho athi uhlala khona.

Ithi njalo ayilandlela yokwazi ukuthi ababhalisayo bayabe beqinisile na ukuthi bahlala endaweni thize.

Kodwa iyakuvuma ukuba abantu abangu-87 laba babhalisa ukuthi bahlala kukheli ethi 1110, eChiwara, okuyindawo likhomishini ethi ayisiyo yokuhlala.

Ngokunjalo, ithi uzulu okhonona ngaloludaba kumele aze kuyo azevula icala ukuze liphenywe ngagcini bomthetho.

Kumaby-elections aqhutshwe ngoMbimbitho bakhona abantu ababotshwayo besetheswa icala lokubhalisa kuZEC ukuthi bahlala endaweni thize bona bengahlali khona.

Likhomishini izaqhuba amaby-elections okudinga amakhansila eKariba ngoMgqibelo kuWard 3, 4, lakuWard 8, eRusape kuWard 5, eChitungwiza kuWard 7, eMutare kuWard 14 lakuWard 16 kanye lakoPfura kuWard 40.

Facebook Forum

XS
SM
MD
LG