amalinks wokungena

Breaking News

Umlimi weInsiza Ubulawelwe Inkomo Ezingu-28 yiVeterinary Services Ngoba Isithi Zingaba Lomkhuhlane


FILE - Frail and starving cattle are seen in Chivi, Masvingo province, Zimbabwe. The country's vice-president, Emmerson Mnangagwa, says close to 20,000 farm animals have died due to severe drought conditions. (Photo - S. Mhofu/VOA)

WASHINGTON DC - Kulomlimi weInsiza osele ewisa ezimathonsi izolo ngemva kokuba ugatsha lweVeterinary Services lubulele lwatshisa inkomo zakhe ezingamatshumi phose amathathu, 28, ngoba lusithi zilakho ukumemethekisa umkhuhlane weThaliriosis, owaziwa njalo ngokuthi yiJanuary Disease.

Lolugatsha luthi umlimi lo wephule umthetho ngokususa lezinkomo eGwanda wazisa eInsiza engacelanga imvumo.

Luthi lokhu kwenyuse amathuba okumemetheka kwalumkhuhlane, wona osuhlasele imihlambi esigabeni seMatabeleland South.

Ngalokho, ugatsha lolu soluxwayise abalimi ukuthi belandele umthetho beqale bedinge incwadi zeVeterinary Movement Permit bengakasusi inkomo zabo lapho ezikhona.

Isigaba seMatabeleland South sesilomkhuhlane njalo weFoot & Mouth.

Ingcwethi kwezokulima uMnu Thandeko Zinti Mnkandla utshele iStudio 7 ukuthi ngempela abalimi kumele balandele izimiso ezikhona khona imikhuhlane ilakho ukumemetheka lula ithanyele imihlambi.

please wait

No media source currently available

0:00 0:03:28 0:00

Facebook Forum

XS
SM
MD
LG