Silakho Ukuphuma kuCITES Ingaqhubeka Isalisa Ukuthengisa Indlovu Zethu, Kutsho iZimbabwe Labangane Bayo

WASHINGTON DC - EleZimbabwe lamanye amazwe afuna kwesulwe umthetho ovimba ukuthengiswa kwendlovu lempondo zazo athi alakho ukuphuma kunhlanganiso yeConvention on International Trade in Endangered Spicies CITES) nxa engaqhubeka esaliswa ukuthengisa indlovu zawo.

Ihlanganiso le ilawula ukulondolozwa kwenyamazana zendle ezilakho ukutshabalala ngokuzingelwa langezinye izizatho. Isinqumo lesi siphume ekugqitshweni komhlangano oqoqwe nguhulumende weZimbabwe oqhutshelwe eHwange National Park.

Umhlangano lo ungenwe ngamazwe abalisa yona iZimbabwe, South Africa, Tanzania, Zambia, Namibia leBotswana, njalo uphele ngoLwesine.

Amazwe la athi aselendlovu ezinengi esezidala umonakalo omkhulu kumvelo lasebantwini. Ngokunjalo, athi kumele avunyelwe ukuzithengisa ndawonye lempondo zazo.

I-CITES ithi ukuthengiswa kwendlovu kulakho ukudlondlobalisa ukuzingelwa kwazo ngaphandle komthetho.

Ukuthengiswa kwendlovu lempondo zazo kwamiswa ngomnyaka ka1989 phansi kwecites. Kodwa kuke kwavunyelwa ngo1999 laku2008.

Umeli weSoutherton edale lephalamende uMnu Peter Moyo, ongomunye wabaphatheke emhlanganweni wendlovu lo, utshele iStudio 7 ukuthi ngempela iZimbabwe lamanye amazwe kumele avunyelwe ukuthengisa indlovu ngoba sezizinengi kakhulu.

Embed share

Ingxoxo loMnu Peter Moyo

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:29 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala