amalinks wokungena

Breaking News

CCC: Izikliwi zeZanu PF Zibhaxabule Amalunga Ethu, Owathunjwayo Laye Silokhe Singamboni


Nelson Chamisa President CCC
Nelson Chamisa President CCC

WASHINGTON DC - Ibandla leCitizens Coalition for Change (CCC) lithi kulamalunga alo amathathu alaliswe esibhedlela ngemva kokutshaywa kakubi ngabasekeli beZanu PF esigabeni seKwekwe Central izolo.

Isikhulumeli seCCC uNkosazana Fadzayi Mahere wazise ukuthi abeZanu PF laba bahlasele ngemva komhlangano owenzelwe eKwekwe ngumholi weCCC uMnu Nelson Chamisa.

UMahere uthi udlakela lolu lukhomba sobala okuqoqwa yiZanu PF kukhetho luka2023.

Udlakela lwayizolo luza ngemva kokutshaywa kwelinye njalo ilunga lebandla likaChamisa uMnu Godwin Jimu ebusuku ngesonto. I-CCC ithi utshaywe yizikliwi zeZanu PF.

Ithi njalo kulomunye umlandeli wayo umMoreblessing Ali othunjwe ngabasekeli bebandla elibusayo mhlaka 24 kulinyanga olokhe engazakali ukuthi ungaphi lokuthi uyaphila na.

Lelibandla lithi impilo kaAli isengozini nanku uselamalanga ayisithupha engabonakali.

Umsekeli wesikhulumeli seCCC uMnu Gift Ostallos Siziba uthi bazacela inkantolo namuhla ukuba ibambe amapholisa ngamandla adinge uAli.

Isikhulumeli seZanu PF uMnu Tafadzwa Mugwadi kaphendulanga imibuzo esimthumele yona kanti lesikhulumeli samapholisa uMnu Paul Nyathi laye ubengaphenduli umakhalekhukhwini wakhe.

please wait

No media source currently available

0:00 0:03:44 0:00

XS
SM
MD
LG