amalinks wokungena

Breaking News

Uyasolwa Kakhulu uMnu Obert Mpofu Ngokuthi Akumelanga Kukhulunywe ngeGukurahundi


FILE - Obert Mpofu, then Zimbabwe's minister of home affairs, is pictured at a meeting in Harare, Zimbabwe, Nov. 19, 2017.

WASHINGTON DC - Inhlanganiso yePost Independence Survivors Trust (PIST) isisole kakhulu isiphathamandla sebandla leZanu PF, uMnu Obert Mpofu, yena othi udaba lweGukurahundi akumelanga lukhulunywe ngalo ngoba luvusa amanxeba amadala.

UMpofu wethule amazwi la emngcwabeni wenduna yeLupane, uChief Mabhikwa ngoMgqibelo.

UMpofu wayekhulumela phezu kwamazwi kaMfundisi Useni Sibanda, yena owayetshele umsekeli kaMongameli welizwe uMnu Constantino Chiwenga kumbuthano lo ukuthi udaba lweGukurahundi kumele lulungiswe ngoba abantu ababulawelwa izihlobo eMatabeleland laseMidlands belokhe befuthelene.

OwayenguMongameli, umuyu uMnu Robert Mugabe wathumela ibutho leFith Brigade ezigabeni zombili ayabulala abantu abafika kunkulungwane ezedlula amatshumi amabili, 20,000, phakathi komnyaka ka1983 lo1987.

Inengi kwakungabantu makhaya abangahlomanya, ngokutsho kophenyo olwenziwa ngabenkonzo yamaRoma.

Isiphathamandla sePIST uMnu Felix Magalela Mafa Sibanda, ongumsekeli wesikhulumi njalo sebandla leCitizens Coalition for Change (CCC) utshele iStudio 7 ukuthi amazwi kaMpofu akakhi kodwa azwisa ubuhlungu.

please wait

No media source currently available

0:00 0:02:33 0:00

Facebook Forum

XS
SM
MD
LG