amalinks wokungena

Breaking News

Umgcinisihlalo weZapu uMark Mbayiwa Ubekiwe eLady Stanley


Isidumbo sikaMnu Mark Mbayiwa sesisiya endlini yakhe yokuphumula.
Isidumbo sikaMnu Mark Mbayiwa sesisiya endlini yakhe yokuphumula.

BULAWAYO - Obengumgcinisihlalo webandla leZapu, uMnu Mark Nzula Mbayiwa, ungcwatshwe ngoLwesithathu.

UMbayiwa, yena obhubhe ngoMgqibelo, ubekwe eLady Stanley koBulawayo ngemva kwenkonzo yokumvalelisa eqhutshelwe eSelborne Park SDA.

Uvaleliswe yizihlobo, abangane kanye lamalunga ebandla lakhe, wona amchaze njengomuntu obelothando njalo ezwisisa sikhathi sonke.

“Ubaba ubelesibindi,” kutsho umgcinisihlalo weZapu eMatebeleland South, uMnu Ndodana Moyo. Uchithe impilo yakhe yonke esebenzela ukukhulula ilizwe.”

Elinye njalo ilunga leZapu, uNkosikazi Toriso Moyo, uthe uMnu Mbayiwa ubesamukela izikhalazo zabo zonke njalo ebaqondisa nxa bephambanisa.

“Ubaba uMbayiwa ubekwanisa ukusikhuza lapha esingenzi khona kuhle, ubezwisisa zonke izikhalazo zethu. Kubuhlungu kithi ngoba asisakwazi ukuthi siyatshela bani ukuthi lapha sokuthe, ngoba ubengubaba we party,” kutsho uMoyo.

Abanye bathe kumele kubanjanwe kuyiwa kukhetho luka2023 ukuze kutshintshwe uhulumende kube lombuso okhululekileyo, okuyinto ebiloyiswa nguMbayiwa.

Owake waphatha isikhundla sokuba nguMongameli weZapu ngemva kokubhubha kukaMnu Dumiso Dabengwa, uMnu Isaac Mabuka, laye uthe balahlekelwe kakhulu.

UMbayiwa uzelwe mhlaka 4 kuMpandula ngomnyaka ka1956, okutsho ukuthi ubhubhe eseleminyaka yokuzalwa engamatshumi phose ayisikhombisa, 66.

Wangena empini yenkululeko ngo1973 kwathi ngo1975 wabotshelwa ukuphatheka kwezombangazwe. Ngo1976 wachaphela kweleZambia labanye besiyafundela impini yenkululeko.

Utshiye umkakhe labantwana abane.

please wait

No media source currently available

0:00 0:03:55 0:00

XS
SM
MD
LG