amalinks wokungena

Breaking News

USikhala loSithole Sebetheswe Icala Lokuphehla Udlame, Kodwa iCCC Ithi Kumele Kubotshwe abeZanu PF


Job Sikhala Released2
Job Sikhala Released2

WASHINGTON DC - Amalunga edale lephalamende awebandla leCitizens Coalition for Change (CCC) abalisa uMnu Job Sikhala loGodfrey Sithole, sebetheswe amacala okutshotshozela udlakela eNyatsime kulandela ukubotshwa kwabo ngoLwesibili.

Bazamiswa emthethwandaba kamantshi ngoLwesithathu, kubike ibandla labo.

Amapholisa athi ababili laba ngabanye babantu abaphehle udlame lolu, lapho okubikwa kutshiswe khona izindlu zabasekeli beZanu PF kanye lezabeCCC njalo kwabhidlizwa impahla kazulu makhaza.

Ibandla leCCC lithi amapholisa atshone esalisa amagqwetha ukuthi abone uSikhala loSithole kanti lemindeni yabo ibisaliswa ukubapha ukudla. Kodwa abikwa eze avuma ngokuya kwelanga.

Isikhulumeli samapholisa uMnu Paul Nyathi uthi kutshiswe indlu eyodwa kwadilizwa ezingamatshumi amabili kuloludlakela. Uthi njalo kubulawe amafasitela ezitolo ezilitshumi lantathu, 30.

UNyathi wengeze wathi baphakathi kokudinga abanye abaphatheke kuloludlakela.

I-CCC ithi abasekeli beZanu PF yibo abenze udlakela lolu ngemva kokutshaya abantu esililweni sikaMoreblessing Ali, yena obikwa ethunjwe wabulawa ngumsekeli weZanu PF uMnu Pius Jamba.

Kodwa abeZanu PF lamapholisa bathi abeCCC abagoqela uSithole loSikhala, oligqwetha lomndeni kaMoreblessing, yibo abatshotshozele abasekeli babo.

Ilunga leCCC uMnu Abednico Bhebhe ukulandule ukuthi yibo abadilize impahla le, esithi udlakela lwenziwe ngabasekeli beZanu PF.

please wait

No media source currently available

0:00 0:02:45 0:00

Kodwa ilunga leZanu PF uMnu Believe Gaule yena uthe abeCCC yibo abaphehle loludlakela ngokwethula imbiko ethi uMoreblessing ubulawe ngabebandla elibusayo ngezizatho zombusazwe khona kungenjalo.

please wait

No media source currently available

0:00 0:02:21 0:00

XS
SM
MD
LG