amalinks wokungena

Breaking News

Ukukhethwa Kwendodakazi kaKembo Mohadi Ukuba Ngusikomitshi weZEC Kusolwa Ngamabandla Aphikisayo


Kembo Modadi
Kembo Modadi

WASHINGTON DC - UMongameli Emmerson Mnangagwa ngoLwesine ufungise osikomitshi beZimbabwe Electoral Commission (ZEC) abatsha abayisithupha abagoqela indodakazi yesiphathamandla seZanu PF, uMnu Kembo Mohadi.

Lokhu kusolwe ngabebandla eliphikisayo eleCitizens Coalition for Change besithi ukungena kukaAbigail Millicent Mohadi Ambrose kulikhomishini kuveza sobala ukuthi iZEC ayizimelanga yodwa; ngakunjalo bathi ayikwazi ukuqhuba ukhetho olukhululekileyo.

Isikhulumeli seCCC uNkosazana Fadzayi Mahere uthe kulamanyathelo abazawathatha phezu kwaloludaba.

Kodwa isikhulumeli sikahulumende uMnu Nick Mangwana yena uthe akulalutho olubi ngokuthi abantwana bamalunga eZanu PF baphiwe imisebenzi kuhulumende.

Abanye osikomitshi abafungiswe ndawonye lendodakazi kaMohandi babalisa uCatherine Mpofu, Jane Mbetu Nzvenga, Kudzai Shava, Rosewita Murutare loShepard Manhivi.

Abamabandla aphikisayo bethesa iZEC umlandu wokuqilibezela kukhetho ukuze kunqobe ibandla leZanu PF. Kodwa iyakulandula lokhu.

XS
SM
MD
LG