amalinks wokungena

Breaking News

UHenrietta Rushwaya Ufunyanwe Emsulwa Kucala Lokufumbathisa Eliphathelane Legodile Alibotshelwayo


Henriatta Rushwaya

WASHINGTON DC - Umkhokheli wenhlanganiso yabembi, iZimbabwe Miners Federation, uNkosazana Henrietta Rushwaya, utholakale emsulwa phezu kwecala lokufumbathisa kulandela ukubotshwa kwakhe ngomnyaka ka2020.

URushwaya wabotshwela egcekeni lendizamtshina eHarare elungiselela ukugada indizamtshina wetheswa umlandu wokuzama ukuphuma legolide elizweni ngudlu.

Igolide leli lalilesisindo sama-kilogram ayisithupha, 6kg, njalo abatshutshisi bathi lalibiza inkulungwane zamadola eMelika ezedlula amakhulu amathathu, US$330,000.

Ngemva kokubotshelwa icala leli, uRushwaya waphinda wetheswa icala lokuzama ukufumbathisa isisebenzi seAirport ngeUS$5,000 ukuze simvumele agade indizamtshina legolide leli.

Kodwa ngemva kokuthethwa kwalelicala, umantshi uLearnmore Mapiye unqume ngoLwesine ukuthi uhulumende labatshutshisi bakhe behlulekile ukuveza ubufakazi obusobala obukhomba ukuthi ngempela uRushwaya walidala lelicala.

Lanxa kunjalo, uRushwaya ulokhe ebhekane lecala elimqoka elokuzama ukuphuma legolide ngudlu elizweni, igold smuggling.

Uyalilandula lelicala esithi kenzanga lokho ngabomo. Sixoxe locubungula ezombusazwe uMnu Difa Dube yena othi isinqumo lesi singaba sikhomba ukuthi uRushwaya uzafunyanwa njalo emsulwa kucala lokuzama ukuphuma legolide.

please wait
Embed

No media source currently available

0:00 0:02:18 0:00

Facebook Forum

XS
SM
MD
LG