amalinks wokungena

Breaking News

I-Zimbabwe Kumele Ilandele EleKenya Ivumele Abantu Bayo Abahlala Kwamanye Amazwe Bavote, Kuxwayisa uChamisa


People queue to vote in a referendum at a polling station in Harare, March 16, 2013.

WASHINGTON DC - Umkhokheli webandla leCCC uMnu Nelson Chamisa uthi uhulumende kumele alandele umzekeliso weKenya avumele izizalwane weZimbabwe ezihlala kwamanye amazwe ukuthi zivote zikulawo mazwe, i-diaspora vote ngeSingisi.

EleKenya lenze lokhu okwakuqala kukhetho olwenziwe izolo olokudinga uMongameli, amalunga ephalandende, amakhansila kanye labosibalukhulu bezabelo.

Eloba enkundleni yeTwitter, uChamisa uthe ukuvota kulilungelo elimqoka elimele liphiwe abantu beZimbabwe bonke, okugoqela labaphandle kwelizwe.

Utshayele eleKenya kanye lekhomishini yezokhetho kulelolizwe ihlombe ngokuvumela izizalwane zeKenya ukuvota ziphandle kwelizwe njalo wakhuthaza uhulumende weZimbabwe kanye leZimbabwe Electoral Commission ukuthi labo benze okufanayo.

Umsekeli wesikhulumeli seCCC, uMnu Gift Ostallos Siziba, utshele iStudio 7 ukuthi ngempela abeZimbabwe abakwamanye amazwe kumele baunyelwe ukuvota.

please wait

No media source currently available

0:00 0:02:50 0:00

Khepha ilunga leZanu PF uMnu Believe Gaule uthi ukuze abeZimbabwe abahlala kwamanye amazwe bavunyelwe ukuvota, kumele amazwe afana leMelika kanye leBhilithani esule izijeziso azethesa amalunga eZanu PF ukuze enelise ukuyakhankasa kulawomazwe.

please wait

No media source currently available

0:00 0:02:25 0:00

Facebook Forum

XS
SM
MD
LG