WASHINGTON DC – Ilunga leZanu PF, uMnu Justice Mayor Wadyajena, yena obotshelwe icala lokutshontsha izigidi ezinhlanu zamadola eMelika, i-US$45 million, ukhululwe nge-bail engena kunkulungwane ezingamakhulu amabili eZimbabwe, i-Z$200,000 ngoLwesine.
UWadjajena ubotshwe ngamapholisa ogatsha lweZimbabwe Anti-Corruption Commisison ngoLwesibili wavalelwa ngoLwesithathu labanye abane ababalisa iziphathamandla zenkampani yeCottco, uPius Manamike, Maxmore Njanji, Fortune Molai, lomqondisi wePierpont Moncroix uChiedza Danha.
Abatshutshisi bathi abasolwa laba batshontsha limali kunkampani yeCottco bayathenga izimota ezinkulu zohlono lwamagonyethi.
Lanxa abatshutshisi bebesala ukuthi uWadyajena akhululwe, umantshi uStanford Mbanje uthe behlulekile ukuveza isizatho esisuthisayo sokuthi engakhululwa.
