amalinks wokungena

Breaking News

Uyachothozwa uTony Blair Ngemva Kokukhukhumeza uMnangagwa


FILE PHOTO: Former British Prime Minister Tony Blair speaks during an interview at a Reuters Newsmaker event in London, Nov. 25, 2019.

WASHINGTON DC - Uzulu wehlukene ngemibono phezu kwamazwi ethulwe ngowake waba yinhloko kahulumende wakweleBhilithani uMnu Tony Blair ekhukhumeza uMongameli Emmerson Mnangagwa.

Ababili laba bahlangane kweleRwanda ngoLwesibili lapho okuqhutshelwa khona umhlangano omkhulu wezokulima.

UBlair uqhawulane loMnangagwa bahlekelana njalo waphinda wamkhukhumeza esithi uMnangagwa udlala indima enkulu ekuthuthukiseni ezokulima ezwekazi leAfrica.

Ilunga leHouse of Lords kweleBhilithani, uBaroness Kate Hoey, ukusolile lokhu esithi uBlair ubengamelanga ajabulele uMnangagwa kodwa ubemele amtshele ukuthi etshiyane lokwephula amalungelo kazulu.

Amazwi kaHoey agcizelelwe yisikhulumeli seCCC uNkosazana Fadzayi Mahere.

Kodwa isikhulumeli seZanu PF uMnu Tafadzwa Mugawa utshele iStudio 7 ukuthi ukuhlangana kukaMnangagwa loBlair kuqakathekile kakhulu ngoba eleZimbabwe liphakathi kwemizamo yokuvuselela ubudlelano balo leleBhilithani.

Ngesikhathi esabusa, uMnu Blair wethesa uhulumende weZanu PF izijeziso zenotho esithi uMnu Robert Mugabe labanye bakhe babesephula amalungelo kazulu.

Ingcwethi kwezombusazwe uMnu Effie Dlela Ncube. utshele iStudio 7 ukuthi laye uvumelana labathi uBlair ubemele akhulume loMnangagwa ngokuthi ahloniphe amalungelo kazulu.

please wait

No media source currently available

0:00 0:02:47 0:00

Facebook Forum

XS
SM
MD
LG