amalinks wokungena

Breaking News

Sokuleminyaka Emihlanu Ibutho Lisuse uMugabe Embusweni Ngodlame, Inengi Selikhala Ngombuso kaMnangagwa


Zimbabwe Political Turmoil
Zimbabwe Political Turmoil

WASHINGTON DC - EleZimbabwe ngoLwesibili lifikise iminyaka emihlanu kulandela ukugenqulwa kukaMongameli Robert Mugabe embusweni libutho.

Izimota zebutho zaqala ukubonakala zilubhekise eHarare mhlaka 14 kuLwezi ngo2017, kwathi mhlaka 15 emadabukakusa owayeyisiphathamandla sebutho uMnu Sibusiso Moyo wethula umbiko emsakazweni yeZBC esithi ibutho laselidilize uhulumende ngoba wayesehluleka umsebenzi kanti laye uMugabe wayegonjolozelwe ngabantu abayizikhohlakali.

Iziphathamandla zeZanu PF ezinengi ezigoqela uMnu Jonathan Moyo loSavior Kasukuwere, babaleka baya kweleSouth Africa kwathi abanye abafana loMnu Ignatias Chombo babotshwa.

Esethethe intambo zombuso uMongameli Emmerson Mnangagwa wathembisa ukulungisisa umnotho lokuhlonipha amalungelo kazulu. Khepha ukhansila webandla leCCC uMnu Edwin Ndlovu uthi uMnangagwa ubusa ngochuku ukwedlula uMugabe.

please wait

No media source currently available

0:00 0:02:23 0:00

Amazwi kaNdlovu aphikiswe lilunga leZanu PF uMnu Believe Gaule, yena othi kunengi okuhle osokulethwe nguMnangagwa lohulumende wakhe okugoqela inkululeko eyayingekho ngesikhathi sikaMugabe.

please wait

No media source currently available

0:00 0:02:06 0:00
‚Äč
XS
SM
MD
LG