amalinks wokungena

Breaking News

AmaRepublicans Azavuma Na Ukuthi uTrump Encintise Ewamele Kukhetho lweMelika ngo2024?


WASHINGTON DC - Owake waba nguMongameli waseMelika uMnu Donald Trump uthi uzancintisa njalo edinga ukubuyela kulesisikhundla kukhetho oluzakwenziwa ngo2024.

UTrump ubenguMongameli kusukela ngomnyaka ka2017 wazophuma esikhundleni lesi nyakenye ngemva kokunqotshwa nguMongameli Joe Biden.

Kumbiko awethule ngoLwesibili esemzini wakhe eFlorida, uTrump uthe uzulu weMelika kumele amvotele abuyele embusweni ukuze ahlenge ilizwe, lona athi selibulewe nguMongameli Biden.

Uthe ukudula kwempahla ezitolo kuveza sobala ukuthi uBiden uyehluleka umsebenzi. Akukakhanyi ukuthi abebandla likaTrump elamaRepublicans bazamvumela yini ukuthi abe nguye oncintisa emele lelibandla.

UMnu Donald Trump esazisa ukuthi uzancintisa kukhetho lukaMongameli weMelika ngo2024.
UMnu Donald Trump esazisa ukuthi uzancintisa kukhetho lukaMongameli weMelika ngo2024.

Kulabanye njalo abebandla lakhe ababikwa befuna ukuncintisa kulesisikhundla abafana losibalukhulu weFlorida uMnu Ron DeSantis. Abanye bathi abasamfuni ngoba esehlukanisa uzulu ngenkulumo elenzondo kuthi abanye bayamsekela kakhulu.

UMongameli Biden yena kakatsho ukuthi uzancintisa yini kukhetho lolu. Lanxa kunjalo, useke waveza ukuthi ujonge ukuncintisa lanxa nje esazokhulumisana lomdeli wakhe baphume lesinqumo.

Ukuhlaziya loludaba iStudio 7 ixoxe lolandela ezombusazwe zeMelika uMnu Simbarashe Nembaware, yena othi sokusezandlani zebandla lamaRepublicans ukuthi liyamvumela yini uTrump ukuthi ancintise elimele kumbe hatshi.

please wait

No media source currently available

0:00 0:02:09 0:00
‚Äč
XS
SM
MD
LG