amalinks wokungena

Breaking News

I-Harare Ayisiyo Zimbabwe, Kutsho abeMthwakazi labeIbhetshu Likazulu Ngemva Kohambo lweCommonwealth


Commonwealth Meeting In Zimbabwe
Commonwealth Meeting In Zimbabwe

WASHINGTON DC - Abezinye inhlanganiso ezizimeleyo kanye labamabandla ezombusazwe amancane aphikisayo bathi kulusizi ukuthi abaphiwanga ithuba lokuhlangana lequla leCommonwealth ebeliseZimbabwe ukuyahlola ukuthi ezamalungelo oluntu ziqhutshwa ngemfaneyo na ukuze iZimbabwe ibuyiselwe kulumanyano.

Iqula leCommonwealth leli lifike elizweni ngempelasonto lagqiba uhambo lwalo izolo ngemva kokuhlangana loMongameli Emmerson Mnangagwa, okhokhela ibandla leZanu PF, kanye loMnu Nelson Chamisa, umkhokheli webandla leCCC.

Lihlangane njalo lenhlanganiso ezizimeleyo ezimbalwa eHarare.

UChamisa leziphathamandla zenhlanganizo lezi batshele iqula leCommonwealth leli ukuthi bafuna uhulumende kaMongameli Emmerson Mnangagwa ehloniphe amalungelo oluntu kuqala ukuze eleZimbabwe libuyiselwe kuCommonwealth.

Abangaphiwanga ithuba abafana labebandla leMthwakazi labenhlanganiso yeIbhetshu likaZulu bakusolile kakhulu lokhu besithi iqula leCommonwealth belimele likhulumisane lenhlanganiso zakoBulawayo ukuze lizwe okwenzakalayo kulumango hatshi ukuphelela eHarare.

"Sicabanga ukuthi okwenze behluleka ukuhlangani lathi yiwo-ke umkhuba wokwenziwa kwezinto eZimbabwe; babona angani iZimbawe yonke yiHarare, kutsho isikhulumeli seMthwakazi uMnu Velile Moyo.

Amazwi kaMoyo agcizelelwe ngumholi wenhlanganiso yeIbhetshu likaZulu, uMnu Mbuso Fuzwayo, yena othe alubana bebevunyelwe ukuhlangana lequla leCommonwealth, bebeyalethulela izikhalazo ezitshiyeneyo ezigoqela indlela uhulumende aphatha ngayo udaba lweGukurahundi.

UMnu Fuzwayo uthe: "Okuqakathekileyo yindlela abantu abaphathwa ngayo elizweni, ikakhulu eMatabeleland. Ungakhangela khathesi kuthiwa kulungiswa udaba lweGukurahundi, kodwa iMidlands itshiywe phandle.

"Ngokunye kwezinto ebesizazitshela abeCommonwealth ngabe besiphiwe ithuba lokuhlangana labo... Udaba lweGukurahundi kumele lulungiswe ngokubuza abantu ukuthi kumele luphathwe njani," uqhubeke echasisa uFuzwayo.

please wait

No media source currently available

0:00 0:05:12 0:00
‚Äč
XS
SM
MD
LG