amalinks wokungena

Breaking News

UMnangagwa Utshelwa Ukuthi Atshiyane Lokuhlukuluza Inhlanganiso Ezizimeleyo


APTOPIX Zimbabwe Independence Celebrations

Inhlanganiso lezi ngezamazwe atshiyeneyo njalo zigoqela iZimbabwe Lawyers for Human Rights kanye le Robert F. Kennedy Human Rights eyaseMelika.

WASHINGTON DC - Kulenhlanganiso ezilwela amalungelo kazulu ezingamatshumi amane lanye, 41, esezichothoze uhulumende kaMongameli Emmerson Mnangagwa zisithi uhlukuluza inhlanganiso ezizimeleyo kanye labalwela amalungelo oluntu.

Inhlanganiso lezi ngezamazwe atshiyeneyo njalo zigoqela iZimbabwe Lawyers for Human Rights kanye le Robert F. Kennedy Human Rights eyaseMelika.

Kumbiko eziwethule ngoLwesibili, inhlanganiso lezi zisole kakhulu umthetho ophakathi kokubunjwa owePrivate Voluntary Organizations (PVO) Amendment Bill, zisithi uhulumende ujonge ukuvala inhlanganiso ezizimeleyo phansi kwawo.

Zithi njalo uhulumende kaMnangagwa kumele esule konke okumunyethwe yilumthetho okusolwa ngabalwela amalungelo oluntu abagoqela abeUnited Nations.

Inhlanganizo lezi zikhuthaze njalo amazwe omhlaba ukuthi afake incindezi kuhulumende weZimbabwe phezu kwaloludaba ukuze ayekethise.

Ocubungula ezombusazwe uMnu Zenzo Nkomo utshele iStudio 7 ukuthi ngokwethula umthetho lo, uhulumende ujonge ukuhlukuluza inhlanganiso ezizimeleyo phambilini kokhetho luka2023.

please wait

No media source currently available

0:00 0:02:55 0:00

Umphathintambo kahulumende obona ngezemothetho, uMnu Ziyambi Ziyambi, useke watshela umsakazo weStudio 7 ukuthi umthetho lo ujonge ukwenqabela imisebenzi yobudlova elakho ukwenziwa zinhlanganiso ezizimeleyo zisebenza lezitha zeZimbabwe.

Uyakulandula njalo ukuthi bahlukuluza inhlanganiso ezizimeleyo.

Facebook Forum

XS
SM
MD
LG