UMnangagwa Uphatheka Ekugcotshweni Komholi WaseEquitorial Guinea Osebuse Okwesikhathi Eside Ukwedlula Abanye Bonke Emhlabeni Jikelele

WASHINGTON DC - UMongameli Emmerson Mnangagwa ukweleEquitorial Guinea namuhla ukuyaphatheka emkhosini wokugcotshwa kukaMongameli Teodoro Obiang Nguema Mbasago ukuthi eqhubeke enguMongameli ngemva kokunqoba kukhetho olusanda kwenziwa.

UNguema usebuse okweminyaka engamatshumi amane lantathu, 43, njalo phakathi kwaboMongameli abaphilayo emhlabeni jikelele, nguye osebuse okwesikhathi eside ukwedlula bonke.

UMongameli Nguema wangena embusweni ngo1979 njalo useleminyaka yokuzalwa engamatshumi ayisitshiyangalombili, 80.

Abalwela amalungelo oluntu basola umbuso wakhe besithi ngowoncindezelo. Bathi njalo ukhetho kulelolizwe aluqhutshwa ngokukhululekileyo.

Esuka kweleEquitorial Guinea, uMnangagwa uzadlulela kweleAngola kusasa emhlanganweni weOrganization of African Pacific Caribbean Summit.

Ingcwethi ecubungula ezombusazwe uMnu Rejoice Ngwenya uthi uMnangagwa udlalisa imali ngengwendo ezingapheliyo njengomuyi uMnu Robert Mugabe.

Uthi endaweni yokuthi avakatshe, uMnangagwa kumele ehlale phansi edinge indlela zokulungisa udubo lokusilela kwamandla kagetsi elizweni.

Asenelisanaga ukukhuluma lesikhulumeli sikaMnangagwa uMnu George Charamba ngaloludaba.

Embed share

Ingxoxo loMnu Rejoice Ngwenya

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:04 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala