amalinks wokungena

Breaking News

Isiphendukile Imihloliso yeO' leA' Level Elotshwa ngoNhlangula Njalo Ihlelwe ngeDollar leMelika


Zimsec Logo
Zimsec Logo

WASHINGTON DC - Ugatsha olubona ngokuhlela imihloliso, olweZimbabwe Schools Examination Council (ZIMSEC), lwazise ngoLwesine ukuthi isiphendukile imihloliso yeO’ leA’ Level ebhalwa ngoNhlangula, eyayimisiwe ngemva kokuqhamuka komkhuhlane weCovid-19.

I-ZIMSEC ihlele inhlawulo yalimihloliso ngedola leMelika kodwa ithi abantu bayavunyelwa ukubhadala ngedola leZimbabwe besebenzisa isiqathaniso esihlelwa libhanga elikhulu, i-official exchange rate.

Ukubhala umhloliso owodwa oweO’ Level ezikolo zikahulumende kuzabiza amadola eMelika alitshumi lanye, US$11, kuthi ababhala imihloliso yeA’ Level bona bazabhadala amatshumi amabili lambili amadola, US$22.

Ababhala besezikolo ezizimeleyo, ama-private schools, bona bazabhadala amatshumi amabili lane amadola, US$24, umhloliso ngomunye kuO’ Level kuthi abenza iA’ Level bona bazabhadala amatshumi phose amahlanu, US$48, umhloliso ngomunye, okuyimali ezahlawulwa njalo yilabo abazabhala bevela ngekhaya, ama-private candidates.

Isikhulumeli seZIMSEC, uNkosazana Nicky Dlamini, utshele iStudio 7 ukuthi ukuhlawulela ukuloba ngoNhlangula kuzavulwa mhlaka 8 ngenyanga ezayo kuyevalwa mhlaka 15 ngenyanga efanayo.

“Umzali ubhadala ngemali ayenelisayo, nxa esithi ufuna ukubhadala ngeRand, uyabhadala ngeRand, nxa efuna iZim dollar kumbe iUS dollar uyavunyelwa njalo ukubhadala ngaleyo mali,” kutsho uMaDlamini.

please wait

No media source currently available

0:00 0:03:09 0:00

Lanxa kunjalo, abanye abazali bakhala ngokuthi limali inengi kakhulu.

“Sibona angani imali lezi zinengi kakhulu, uhulumende wayethe yena ngo2023 abantwana bazafunda mahala,” kutsho umzali uMnu Ambrose Sibindi oyisiphathamandla senhlanganiso yeBulawayo Progressive Residents Association.

USibindi ugcizelele wathi abafundi abalabazali abaswelayo abasoze benelise ukubabhadalela, okuzakwenza behluleke ukuloba imihloliso yabo.

please wait

No media source currently available

0:00 0:03:20 0:00
XS
SM
MD
LG