Umanyano weEuropean Union Uqhelisa Izijeziso Usithi uMnangagwa Uqhubeka Esephula Amalungelo

WASHINGTON DC - Umanyano weEuropean Union (EU) usuqhelise ngomunye njalo umnyaka izijeziso zenotho owazethesa inkampani kahulumende elungisa izikhali eyeZimbabwe Defense Industries.

Uqhelise njalo umlayo ovimba amazwe akuEU ukuthengisela iZimbabwe izikhali ngoba usithi uhulumende kaMongameli Emmerson Mnangagwa ulokhe esephula amalungelo oluntu.

Kumbiko ewethule ngoLwesibili, iEU ithe ikhathazekile kakhulu ngokwehluleka kukahulumende kaMnangagwa ukubopha lokujezisa abezomvikela ababulala abantu ngemva kokhetho luka2018 kanye lango2019.

Lumanyano usole njalo imithetho othi incindezela uzulu weZimbabwe efana loweData Protection Act kanye lowePrivate Voluntary Organization Amendment Bill, wona osumelele ukusayinwa nguMnangagwa.

"Kuqakathekile ukuthi kulandelwe izibopho zamalungelo oluntu ezihleliweyo emhlabeni jikelele njalo kuhlonitshwe amalungelo esisekelo sombuso welizwe leZimbabwe," kutsho iEU.

Uhulumende uyazisola izijeziso lezi esithi kumele zesulwe ndawonye lalezo ezetheswa amalunga eZanu PF yiMelika. Uyakulandula njalo ukuthi wephula amalungelo kazulu.

Kodwa ingcwethi ehlaziya ezombusazwe uMnu Effie Dlela Ncube uthi umlandu wokuthi izijeziso lezi zesulwe usemahlombe kaMnangagwa lohulumende wakhe ngoba kuyibo abephula amalungelo.

Embed share

Ingxoxo loMnu Effie Dlela Ncube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:28 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala