amalinks wokungena

Breaking News

Izakhamizi zeNkayi Zithi Zifuna Kwengezelelwe Indawo Zokubhalisela Ukuvota


UMnu. Thembisani Mfulongatshi Mpofu, ukhankasela ukumela iNkayi South edale lephalamende
UMnu. Thembisani Mfulongatshi Mpofu, ukhankasela ukumela iNkayi South edale lephalamende

Izakhamizi zeNkayi zikhala ngokuthi indawo zokubhalisela ukuvota kuhlelo olusaqhubekayo olwe Mobile Voter Registration Exercise zikhatshana lemizi yabantu okubabangela ukuthi asebeluphele, abagulayo, labakhulelweyo behluleke ukufinyelela lezi indawo lula.

Ku ward 14 kubikwa kulendawo eyodwa eyokuvotisela esikolo seSimbo Secondary School okungabangela ukuthi ezinye izakhamizi ezivela endaweni ezigoqela iGampakalale leMatsheni zihambe umango odlula amakhilomitha alitshumi.

KU ward 15 kubhaliswa eSagonda kuphela njalo abantu abaseSikopo, Malinga, leDulutsha kufanele behambe amakhilomitha alitshumi lanhlanu ukuze bafinyelele lindawo.

UMnu. Thembisani Mfulongashi Mpofu, okhankasela ukumela iNkayi South edale lephalamende ekubandla leMthwakazi Republic Party uthi bakhalaza kuZimbabwe Electoral Commission ukuthi kube lendawo ezimbili kumbe ezintathu zokubhalisa kodwa ikhomishini le yathi ayilamali eneleyo yokuthi kube lalezondawo.

please wait

No media source currently available

0:00 0:03:24 0:00

Kusenjalo, ikhomishini ebona ngokuqhutshwa kokhetho eyeZimbabwe Electoral Commission ithi ikhuthaza abafuna ukubhalisela ukuvota ukuthi benzenjalo lanxa iphepha elisetshenziswayo kubufakazi be receipt obokuthi umuntu ubhalisile ele thermal paper roll seliphelile.

Embikweni owethulwe ngoMvulo ntambama, isiphathamandla sekhomishini le uNkosikazi Jande Chigidji uthi ukungabi lephetshena le receipt akuphazamisi lutho nxa umuntu esevele wabhalisela ukuvota.

Uqhubeke wathi iziphathamandla zendawo lapho okubhaliselwa khona ukuvota zizakwaziswa nxa amaphepha la esekhona ukuthi ziwathathe ngaphi.

‚Äč
XS
SM
MD
LG