amalinks wokungena

Breaking News

ZEC: Abalokhe Bengakabhaliseli Ukuvota Hambani Liyebhalisa Emahofisini Ethu


ZEC Provincial Office
ZEC Provincial Office

WASHINGTON DC - Ikhomishini yezokhetho, iZimbabwe Electoral Commission (ZEC), ngoMvulo ikhuthaze abantu abalokhe bengakabhaliseni ukuvota ukuthi bayebhalisa emahofisini ayo asezigabeni ezitshiyeneyo kulandela ukugqitshwa kohlelo lwe-mobile voter registration olugqitshwe ngeSonto.

Phansi kwaloluhlelo iZEC ibiphume ijumo isiyabhalisa abantu abazavota kukhetho olukhangelelwe ukwenziwa ngoNtulikazi kumbe ngoNcwabakazi lonyaka.

Ukubhalisela ukuvota okuhlezi kusenziwa sikhathi sonke kuzagqitshwa sokwedlule insuku ezimbili ngemva kokuba ilanga lokhetho selimenyezelwe nguMongameli Emmerson Mnangagwa.

Isiphathamandla senhlanganiso ezimeleyo ekhuthaza abantu ukuthi babhalise ngobunengi, eyeZimbabwe Christian Alliance, uMnu Nqobizitha Donga, utshele iStudio 7 ukuthi bakhanya bebanengi ababhalise phanso kohlelo lwe-mobile voter registration blitz.

NjengeZEC, uDonga ukhuthaze abalokhe bengakabhalisi, ikakhulu abasakhulayo ukuthi bayebhalisa ngoba kulilungelo labo ukuthi bakhethe izinkokheli abazifunayo.

please wait

No media source currently available

0:00 0:03:00 0:00

Sokukhangelelwe ukuthi uMongameli Emmerson Mnangagwa amemezele ilanga lokhetho kusikhatshana esilandelayo.

‚Äč
XS
SM
MD
LG