NgoLwesihlanu bekulusuku lokucina kuMbimbitho, obekuqakathekiswa abesifazane emhlabeni jikele ngumanyano wamazwe omhlaba, i-United Nations.
Lokhu kwenziwa mnyaka yonke.
Abesifazane bamazwe atshiyeneyo bebehlangene eNew York bekhuthazana, besabelana imibono, njalo bethuthukisana.
Omunye umhlangano omkhulu wabesifazane obuqoqwe ngumanyano wamazwe omhlaba – oweUnited Nations Conference on the Status of Women – uqhutshwe eNew York kusukela mhlaka 6 kusiya ku13 kuyonale inyanga.
Lanxa kulemizamo eyokulinganisa amathuba ngobulili, bayavumelana abesifazane ukuba kulokhe kulohambo kulowo mango.
UNkosikazi Patricia Tshabalala Matshazi, umsekeli kamgcinisihlalo wenhlanganiso yeBulawayo Progressive Residents' Association, ophatheka njalo ekulweleni amalungelo uthi kuqakathekile ukuba abesifazana bedonse kanye kanye ukwenzela ukuthi bethuthuke.
"Kulontshintsho oluncane ngoba ungananzelela lakhathesi izehlakalo ezincane nje ezamabhizimusi, omama abanengi abakho kumabhizimusi ngoba kabala mali eyokuthi baphakamise amabhizimusi abo. Ubusubona ukuthi ngoba ngumuntu ongumama oyabefuna ukwenza into enhle kumbe ibhizimusi enhle, elengqondo."
