WASHINGTON DC - Isikhonzi sikaMongameli Emmerson Mnangagwa esiphuma ku-documentary yomsakazo weAl Jazeera echaya sobala inkohlakalo ekwebiweni kwegolide eZimbabwe uMnu Uebert Angel useqhatshe igqwetha uMnu Lovemore Madhuku ukuthi amele kuloludaba.
Abanye bathi lokhu kungaba kuveza ukuthi uAngela ucabangela ukuthi ulakho ukubotshwa, kodwa abanye bathi ababoni lokho kusenzakala.
UMadhuku ubemele enze umhlangano lentathelizindaba namuhla kodwa ucine esewudlulisela phambili ngoba esithi umelele ukuba iAl Jazeera isakaze ihlandla lokucina kucala.
Ihlandla leli belikhangelelwe ngabantu abanengi ngoLwesine kodwa umsakazo lo uthi isiyaphuma ngoLwesihlanu.
UAngel loDoolan baphuma kufilimu le betshela intathelizindaba ukuthi bayenelisa ukwenza imisebenzi yenkohlakalo uMnangagwa ekwazi.
Ohlaziya ezombusazwe njalo ekhokhela inhlanganiso elwela amalungelo oluntu eyeIbhetshu likaZulu, uMnu Mbuso Fuzwayo utshele iStudio 7 ukuthi okwenziwe nguMadhuku akumvezi njengomuntu ozimiseleyo ukulwisana lobuhuquluzi.
UMsakazo weStudio 7 utshayele uMadhuku ucingo kodwa ubengabambeki.