Sesibulewe Esinye Sezilwane Eseziqede Izifuyo ePlumtree; Umlungu Uyalandula Ukuthi Izilwane Lezi Ngezakhe

WASHINGTON DC - Abogatsha olubona ngezemvelo badubule babulala isilwane esisodwa eMabhongane, ePlumtree izolo, esingesinye sezilwane eseziqede izifuyo zabantu ezigabeni ezigoqela koNdolwane, koMbimba, eJutjume lakoMakhulela.

Babikwa bebulele njalo impisi ezine.

Kusenjalo, umlungu oqhuba inhlelo zokunakekela imvelo eMabhongane, uMnu Adam Bristow, uthi kungamanga aluhlaza okukhulunywa yizakhamizi ukuthi nguye owaletha izilwane lezi ebantwini.

Ephendula imibuzo yeStudio 7 uBristow uthe into kuphela avuma ukuthi useyilethe ebantwini bakulezindawo zinhlelo zentuthuko ezifana lokugebhela izakhamizi amanzi loncedo alupha izikolo.

UBristow uthe izilwane lezi zingaba zafohla eHwange National Park kumbe zingaba zavelela ngakuhlangothi lwakweleBotswana ngoba lezo vele kuzindawo zenyamazana zasendle.

Embed share

Udaba Lokubulawa Kwesilwane eMabhongane

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:01:33 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala