Iziphathamandla zeMDC emaphandleni eGwanda zithi kulobandlululo olukhulu olwenziwa yiziphathamandla zeZANU PF ekwabiweni kokudla.
Udubo lokwabiwa komumbu kanye lemhlanyelo lolu lubikwa lubhahe kakhulu kuward 13, eGwanda esabelweni sangenhla yeMandebeleni.
Ophethe isikhundla sikaMeya weGwanda uMnu Petros Mokoena uthi iziphathamandla zeZANU PF, zikhokhelwa ngowake waba ngukhansila waliward uMnu Carlot Diba Ndlovu zithatha umumbu ewofisini yeDrought Relief zithi zifika esigabeni zale ukwabela labo ezibacabangela ukuthi ngabasekeli beMDC.
UBabongile Dlamini usethulela lolu daba ngokugcweleyo.