amalinks wokungena

Breaking News

Abantu abalathemba lokuthi iqembu elimela isizwe emdlalweni kaKhilikithi linganqoba eleBangladesh


Ingcitshi zithi iqembu lakuleli libhekane lomthwalo onzima emidlalweni kakhilikithi ezaqala ngensonto phakathi kwe Zimbabwe le Bangladesh.

Isiphathamandla seqembu elidlala esigabeni se Harare Metropolitan Province ele Glenshire u Austin Karonga uthi amathuba okunqoba kuqembu lasekhaya malutshwane kabi ngoba iqembu le Bangladesh lilabadlali asebevuthiwe ngemva kweminyaka eminengi bedlala esigabeni saphezulu ikanti abakuleli balokhu besacathula kungakakhanyi ngqubela phambili ngemva kweminyaka phose emibili bedlala bendawonye.

U Karonga uthi loba kunjalo uzulu akumelanga alahle ithemba kodwa kumele aze ngobunengi ukuzosekela iqembu lesizwe ngoba kulabadlali abafana labo Hamilton Masakadza kanye lo Brendan Taylor abalakho ukwenza izimanga i Zimbabwe inqobe.

I Zimbabwe le Bangladesh zizadlala imidlalo emine njalo owokuqala ukhona ngensonto, owesibili ungolweSibili, oweSithathu ngolweSihlanu kuthi owokucina ukhona ngoMgqibelo. Yonke limidlalo izaqhutshelwa enkundleni ye Harare Sports Club esigodlweni.

Amaqembu amela isizwe emdlaweni we Basketball enza amalungiselelo okuphatheka emidlalweni yokudinga amaqembu azaphatheka kumncintiswano yama All-Africa Games kanye lowe Africa Cup of Nations ezaqhutshelwa kuleli ekupheleni kwalinyanga ngokuqhuba imidlalo yokuzwana amandla phakathi kweqembu labesilisa lakuleli lelase Zambia kanye lelabesifazane lakuleli lelase Zambia njalo.

Intathelizindaba yethu yezemidlalo u Joseph Njanji usipha loludaba ndawonye lezinye.

Ezinye indaba ngesiNdebele...

XS
SM
MD
LG