Ukungadlali kuhle kweqembu elimela isizwe emdlalweni kaKhilikithi kuqhubekela phambili njalo labalandeli balumdlalo kabasazihluphi langokuya bukela lumdlalo enkundleni njengalokhu okwenzakale izolo lapho iqembu le Zimbabwe elidlale lanqotshwa ngele Bangladesh ngama runs angamatshumi amane lanhlanu.
Amaqembu amela isizwe emdlalweni we Basketball abe lempelaviki enhle emidlalweni yobungane ayidlale le qembu lase Zambia kuyingxenye yemizamo yamazwe womabili okulungiselela imidlalo ezaqhutshelwa kuleli ekupheleni kwalinyanga kusiya ekuqaleni kwenyanga kaMabasa eyokudinga amaqembu azaphatheka emidlalweni yama All – Africa Games kanye leyama Olympics.
Abalandeli bomdlalo kanobhutshuzwayo bathi lonyaka iqembu le Zimbabwe Saints lilakho ukudabukana phakathi njengoba kungelabubelo kumbango wokukhokhela leliqembu ngemva kokuba uhlangothi oluthethe intambo zombuso ngenyanga edluleyo elikhokhelwa ngu Elliot Manduna lisebenzise umhlangano obukhona ngempelaviki ukutshayisa unyawo i Board of Trustees yaleliqembu ekhokhelwa ngu Samuel Makumbe isetheswa umlandu wokudonsela i Chikwata eliweni.
Intathelizindaba yethu yezemidlalo u Joseph Njanji usipha loludaba ndawonye lezinye.