amalinks wokungena

Breaking News

Kubotshwa Isiphathamandla Se National Foods le Blue Ribbon Ngodaba Lokukhwezwa Kwentengo Yefulawa


Iziphathamandla zamankampani achola umumbu lengqoloyi, iNational Foods le Blue Ribbon zibotshiwe izolo zisetheswa icala lokukhweza intengo yefulawa zingelamvumo kahulumende.Kodwa abazi ngokwenzakalayo bathi ababili laba babotshelwa ukucela imvumo yokukhweza intengo yeflawa kumphathintambo wezokuthengiselana, uMnumzana Obert Mpofu.

Ababotshiweyo nguMnumzana Michael Manga owe Blue Ribbon Foods loMnumzana Ian Kind owe National Foods.

Ababili laba balele esitokisini kodwa bakhululwa lamuhla ngemva kokuhlawuliswa imali yesibambiso ngumthethwandaba we Magistrates’ Court eHarare.

Ingcwethi kwezombusazwe zithi isehlakalo lesi sikhombisa ukudabukana phakathi kwebandla leZANU PF ngoba iziphathamandla zikahulumende ezikucele le ZANU PF elicatshangelwa ukuthi likhokhelwa nguMnumzana Solomon Mujuru ezibalisa, umphathintambo wezomsebenzi, uMnumzana Nicholas Goche, umphathintambo ongelagatsha, uMnumzana Elliot Manyika losibalukhulu weMashonaland East uRay Kaukonde bangabanye babanini be National Foods.

IMashonaland East ngeyinye yezigaba ze ZANU PF ezimbili ezalayo ukuthi kudluliselwe phambili ukhetho lokudinga umongameli lumanyaniswe lolokudinga amalunga edale lephalamende ngomnyaka ka2010 kumhlangano omkhulu walelibandla, iNational Conference osanda kudlula.

Isiphathamandla senhlanganiso elwela ukuthuthukisa amabhizimisi abansundu, iAffirmative Action Group, uMnumzana Sam Ncube, utshele uChris Gande weStudio7 ukuthi kumele uhulumende alungise udaba lokukhwezwa kwentengo yempehla ukuze kungaqhubeki kulokhu kubotshwa osomabhizimusi abakhweza intengo bengaphiwanga imvumo nguhulumende.

Ezinye indaba ze Studio7…

XS
SM
MD
LG